Алеппонун кире беришинде шаар үчүн күрөш уланууда

Жекшембиде Сирияда куралдуу оппозиция менен өкмөттүк аскерлер Алеппонун жанындагы аймактарда айыгышкан салгылаштарды улантышты. Сирия бийлиги оппозицияны курал-жарактарды таштап, шаардан чыгып кетүүгө үндөдү.

Салгылаштар Алеппонун түндүгүндөгү аль-Шукиф бийиктиги, ошондой эле Бустан аль-Баша аймагы үчүн уланды.Өкмөттүк аскерлердин Алеппого чабуулу орусиялык жана сириялык авиациянын интенсивдүү колдоосу алдында жүргүзүлүүдө. Алар шаардын чыгыш бөлүгүнө сокку уруп жатышат. Бул тууралуу Associated Press сириялык укук коргоочуларга шилтеме кылуу менен кабарлоодо.

Оппозиялык куралдуу топтордун биринин агенттикке билдиришинче, армиянын чабуулдарына чет өлкөлөрдүн жарандары да катышууда. Ал кеп желектери аркылуу таанууга мүмкүн болгон Ливан менен Ирактын жарандары тууралуу болуп жатканын кошумчалаган.

Булак:  “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *