Казакстан парламенти Кыргызстанга 100 млн доллар бөлүү токтомун жактырды

Казакстан парламентинин төмөнкү палатасы Кыргызстандын ЕАЭБге интеграцияланышына жардам берүү үчүн өлкөгө каражат бөлүү тууралуу токтомдорду жактырды. Ага ылайык, Казакстан Бишкекке 100 млн долларлык жардам берет.

Маалыматка караганда, жардам кызмат, жабдуу, товар, окутуулар жана каражат түрүндө берилиши мүмкүн. Анын максаттуу пайдаланылышына жана көзөмөлдөнүшүнө кыргыз тарап жооптуу болот.

Алгачкы транш менен 41 миллион доллар бөлүнөт. Ал бажы, транспорттук инфраструктура, маалыматтык кызматташуу, өрт коопсуздугу, саламаттыкты сактоо, санитардык-эпидемиологиялык көзөмөл тармактарына, ошондой эле фитосанитардык жана ветеринардык чараларга багытталат.

Казакстандын Кыргызстанга 100 миллион доллар өлчөмүндөгү жардам бере тургандыгы жөнүндөгү макулдашууга өткөн жылдын аягында Санкт-Петербургда өткөн Жогорку Евразиялык экономикалык кеңештин жыйынында кол коюлган.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *